Ерке Есмаханның хит әнін орындаған бүлдіршін жұртшылықты елжіретті (ВИДЕО)

Желіде бүлдіршіннің тойлардың бірінде ән салған сәтінің видеосы тарап кетті. Қолына микрофон ұстаған балақай хит әндердің бірі болған «Қайдасың?» әнін жанды дауыста шырқайды. Желі қолданушылары балақайдың еліміздің қай өңірінің тұрғыны екенін білмей дал болды. Дегенмен өнерімен көпшілікті баулап алған балақайға тәнті болған қазақстандықтар бақыт пен сәттілік тілектерін жаудырып, тіпті оны болашақ жұлдызға теңеді. Тіпті кейбірі аталған туындының орындаушысы Ерке Есмаханның өзі балақайдың «шаңында» қалып қояды деп, фонограммен ән салып жүрген әншіні сынның астына алды.