Франция, Германия және Италия басшылары Киевке келді

Германия, Италия және Франция басшылары Ресей биыл ақпанда көрші ел аумағына басып кіргелі бері алғаш рет Украинаға келді.

Эммануэль Макрон, Олаф Шольц және Марио Драги Киев қаласына бейсенбі күні таңертең жетті. Олар пойыздан түсті — Украина әуе жолы соғысқа байланысты жабылған. Бейсенбі күні таңертең Германия канцлері, Франция президенті және Италия премьерінің вагонда отырған суреті жарияланды. Одан соң олардың Украина астанасына келген кезде түсірілген видео тарады.

Сапар туралы алдын ала ресми түрде хабарланбады, алайда олардың Киевке келуі мүмкін екенін БАҚ жазған. Сапар уақыты Еурокомиссияның ертеңгі жиналысына сай белгіленсе керек. Жиналыста Украинаға Еуроодаққа мүше болуға кандидат мәртебесін беру мәселесі қаралады.

Макрон Киевке келген уақытта сапарының басты мақсаты — Еуропаның Украинамен бірге екенін көрсету екенін сайтты.

Украин билігінің өкілдері, соның ішінде президент Владимир Зеленский де соңғы уақытта Франция мен Германияның Украина мен Ресейге қатысты ұстанымын, бітім жасауға ұмтылысын, сонымен бірге қару жеткізуді кешіктіруін жиі сынап жүр. Бұның алдында Макрон Румынияда сөйлеген уақытта Украинаға «күндердің бір күні» Ресеймен келіссөз жүргізу қажет болады деп мәлімдеген.

Еурокомиссия Украинаны Еуроодаққа мүше болуға кандидат мәртебесін беруді қолдайды деп болжанды, алайды түпкілікті шешім келесі аптаның аяғында одақ елдері жетекшілерінің саммитінде қабылданады. Әзірге Еуроодақ елдері бұл мәселеде ортақ пікірге келе қойған.

Источник