KAZAKBOL.COM
UBS швейцариялық банкі Credit Suisse қаржы мекемесін сатып алған соң банк қызметкерлеріне ақшаның заңсыз айналымына қатысты тәуекелі жоғары елдерден жаңа клиент тартуға тыйым салды.
Financial Times басылымының хабарлауынша, мұндай тыйым заңсыз ақшаны заңдастыру, парақорлық пен жемқорлыққа қатысты келеңсіз оқиғаларға тап болмас үшін қабылданып отыр.
Тыйымның Ауғанстан, Албания, Беларусь, Ресей, Тәжікстан, Түркіменстан, Қырғызстан және Өзбекстан елдеріне қатысы бар. Тізімге барлығы 29 ел кірген.
Похожие статьи
2022 жылғы ақпанда Ұйымдасқан қылмыс пен жемқорлықты зерттеу орталығы (OCCRP) 39 елдегі журналистермен бірге зерттеу жүргізген. Олар швейцариялық Credit Suisse банкінің жарияланып кеткен құпия құжаттарына сүйенген.
Зерттеу авторларының нұсқасы бойынша, Өзбекстанның бірінші вице-премьері Ачилбай Раматовтың әйелі Рано Раматова, теннис федерациясының бұрынғы бас хатшысы Игорь Шепелев, Өзбекстанның тұңғыш президентінің кенже қызының күйеуі Тимур Тилляевтің немере әпкесі Гүлрух Тилляева және Әлішер Османовтың әпкесі Саодат Нарзиева Credit Suisse клиенті болған.
Журналистер олар осы банк арқылы күмәнді қаржы операцияларын жүргізгенін анықтаған. Сол кезде Credit Suisse мұндай айыпты жоққа шығарған.
KAZAKBOL.COM