KAZAKBOL.COM
Иранның Аэроғарыш күштерінің қолбасшысы Амир Али Хажизаде елінің дауыстан жылдам ұшатын баллистикалық зымыран жасағанын мәлімдеді.
Tasnim агенттігі оның сөздеріне сүйеніп, зымыран жер атмосферасының астында да, үстінде де маневр жасай алады. Әуеден қорғаныс құралдарын бұзып өте алады деп жазды.
Бірақ зымыранның сынаудан өткен не өтпегені жөнінде мәлімет жоғын Reuters хабарлады. Батыс әскері сарапшыларының пікірінше, Иран «кейде қару-жараққа қатысты тіптен асыра сілтеп жібереді».
Похожие статьи
Мұндай зымырандарды Ресей, Қытай сынаған. Солтүстік Корея да сынаған болуы мүмкін. Австралия, Ұлыбритания және Франция да аталған зымырандарды жасау жоспары барын жариялаған.
Қараша айының басында Иран 80 келіге дейінгі салмақтағы спутниктерді жер бетінен 500 шақырым биіктіктегі орбитаға ұшыруға үшбасқышты Ghaem 100 ғарыш зымыранын сынағанын мәлімдеген.
АҚШ Иранның бұл әрекетін «тыныштықты бұзу» деп атады. Вашингтон Ghaem 100 ядролық қаруды алып жүру үшін де қолданылуы мүмкін деп қауіптенеді. Тегеран мұндай ниеті барын жоққа шығарады.
KAZAKBOL.COM
