Күйеуінің өзгемен төсектес болғанын біліп қойған қазақ қызы көпшіліктің кеңесіне жүгінді

«Менің сіздерге хат жазуымның себебі ақыл-кеңес сұрағым келеді. Қазір мен үшін өте қиын кезең. Менің жасым 28-де. Отбасын құрғаныма жеті жылға жуықтады. Үш баламыз бар, шүкір. Бірнеше жыл ата-енеммен тұрып, екі жыл бұрын еншімізді алып бөлек шықтық. Негізі күйеуім екеуміз бір жыл кездесіп, одан кейін отбасын құрғанбыз. Барлығы жақсы еді, бірақ жақында оның басқа біреумен төсектес болғанын біліп қойдым», — деп сырымен бөлісті келіншек.

Түнде қасымда жатқанына қарап ашуым келеді

«Өзімді өлтіргім келді десем артық айтқандық емес, бірақ, балаларымды ойлап өзіме келдім. Күйеуімнің айтуынша, ол қызбен сол екі-үш рет қана кездесіпті. «Ол қыздар әшейін ғой, мен тек сені сүйемін. Кешірші…» дегесін бірге тұрып жатырмыз. Жұмысым болмағасын көз жұмып тастап кету де қиын. Бір жағынан қимаймын, дегенмен мен оған жақындағым келмейді. Түнде қасымда жатқанына қарап ашуым келеді. Қалай қатынасты түзесем екен. Жауап күтемін», — деп сауал тастады ол.

Бұл сұраққа сексолог маман жауап беруге тырысты

«Статистикаға сүйенсек ер адамдардың 75 пайызы өмірінде бір рет болсын әйелінің көзіне шөп салады екен. Бұл әрине қазақтың еркектері де сондай дегенді білдірмейді. Десе де, сіз айтып тұрған жағдайлардан кейін кейбір отбасы ажырасып, кейбірі керісінше қатынастарын түзеуге тырысады екен. Сүйіктісінің көзге шөп салғанын білу екінші адамға «кішігірім өлім» секілді екен. Бұның көріністері алдымен «Мойындамау» яғни, жұбының ондай әрекетке барғанына сенбеу, «Жазалау»- «бұлау істеуге қалай дәтің барды» деп жазғыру және күйзеліс», — дейді сексолог.

Сатқындықтан кейін не істеу керек?

«Сатқындықтан кейін екеуіңіз де қарым-қатынасты дұрыстағыларыңыз келсе, бірінші сіз оны қабылдай білуіңіз керек. Болды… Өтті…Кетті… Әдетте әйелдер күйеуінің сатқындығын білсе «ол оңбаған», екіншіден, «мен оңбағанмын» деп түсінеді. Яғни бірінші серігін кінәлап, жазғырып алады. Одан соң – өзін. Ал өзге әйелді айыптауы некен саяқ екен. Ең дұрысы себебін білуге тырысу керек», — дейді маман.

Жалғасын ikerim.kz сайтынан оқыңыз.