KAZAKBOL.COM
Украина мен Ресей делегациялары арасындағы келіссөздер беларусь-украин шекарасындағы Гомель облысында өтеді. Оның нақты қашан басталатыны туралы ресми мәлімет жоқ. Ресей Украинаға 24 ақпанда басып кірді. Қазір Киев түбінде, Харьков түбінде, Донбаста, Украинаның оңтүстігінде ұрыс жүріп жатыр.
Украинамен келіссөз жүргізу үшін Беларусьқа барған ресейлің делегация басшысы Владимир Мединский мен Кремльдің баспасөз хатшысы Дмитрий Песковтың мәлімдеуінше, украин делегациясы Беларусьтың Гомель облысына келіссөз жүргізу үшін келуге келісті. Украина президенті кеңсесінің хабарлауынша, екі елдің делегациялары украин-беларусь шекарасында, Припять өзеніне жақын маңда өтеді. Александр Лукашенко Украина президенті Владимир Зеленскиймен телефонмен сөйлесіп, қауіпсіздікке кепілдік беретінін мәлімдеді.
Зеленский Мәскеу мен Киев келіссөздерін Варшавада, Будапештте, Стамбул мен Бакуде өткізуді ұсынған. Кейін ол Лукашенкомен сөйлесіп, делегацияларды Гомель қаласына жинауға келісті.
Похожие статьи
Мәліметтерге қарағанда, бұның алдында Киев келіссөздерден Мәскеу шарттарына байланысты бас тартқан. Содан кейін Ресейдің Украинадағы «арнайы әскери операциясы» жалғасты.
Украина сыртқы істер министрі Дмитрий Кулебаның мәлімдеуінше, Ресеймен келіссөздерде Украина капитуляция, жер беру мәселесін талқыламайды. Украинаның Түркиядағы елшісі Василий Бондарьдың айтуынша, Киев Ресейден атысты доғаруды, әскерді алып кетуін талап етеді, бірақ бұл келіссөздер алғышартсыз ұйымдастырылады.
Ресей президенті Владимир Путин 24 ақпанға қараған түні Украинаны «ұлтышлардан тазарту және демилитаризациялау» мақсатында арнайы әскери операция» басталғанын жариялады. Ресей әскері Украинаның бес облысының шекарасын басып өтті. Қазір Харковь түбінде, Киев түбінде, Донбаста, Украинаның оңтүстігінде ұрыс жүріп жатыр.
KAZAKBOL.COM
