Михаил Подоляк: Украина қарсы шабуылды бастады

Украина президенті кеңсесінің кеңесшісі Михаил Подоляк Украина Қарулы күші қарсы шабуылды бастады деп мәлімдеді. Бұл жөнінде ол италиялық Rai телеканалына берген сұқбатында айтты.

«Қарсы шабуыл бірнеше күннен бері болып жатыр, шекарадан 1500 шақырым жерде кескілескен соғыс жүріп жатыр», — деді ол.

Оның сөзінше, Украина Ресей аумағына шабуыл жасамайды, одақтас елдер берген қару-жарақтар Донбасс пен Қырымды қоса алғанда, басып алынған жерлерді қайтару үшін жұмсалады.

«Бізде алыстан соққы беретін Storm Shadow зымыраны, Leopard танкілері бар. Бүдан бөлек Франция мен Италия берген зымыранға қарсы құралдар бар. F-16 әуе кеңістігін жабуға мүмкіндік береді. Егер бұл бір жыл бұрын бізде болғанда, соғыс әлдеқайда аяқталушы еді», — деді ол.

Ресейдің «Вагнер» жеке әскери компаниясының жетекшісі Евгений Пригожин 25 мамырда таңертең Бахмут қаласынан вагнерліктерді шығарып жатқанын мәлімдеді. Бірақ Украина президенті Владимир Зеленский мұны жоққа шығарған.

2022 жылдың тамыз айынан бері Бахмутта ауыр соғыс жүріп жатыр.

Источник