KAZAKBOL.COM
Өзбекстан президенті Шавкат Мирзияев Қашқадария облысына барған сапары кезінде тауық өсіруге байланысты алты жылдық жоспары табысты болғанын атап өткен.
«Әрбір адамда, әрбір отбасында ертеңгі күнге деген сенім қашан пайда болады? Табыс болған кезде. Егер бір сиыр екеу болғанда, бір қой төртеу болғанда, елу тауық жүзге жеткенде»,- деді президент.
Президенттің бұл сөздері тауық өсіру процесін одан сайын күшейтуге серпін берген.
«Ауыл әкімдері әрбір үйді аралап, тауық сатып алуға мәжбүрлеп жатыр. Әсіресе ай сайын жәрдемақы алатындарға алғызып жатыр. Тұрғындар алғысы келмейді. Біріншіден, өте қымбат. Біреуі — 84 мың сум ( 7,5 доллар шамасында) тұрады. Ал базардан 35-40 мың сумға (3-4 доллар) сатып алуға болады. Сатып алғандардың тауықтары бір аптаға жетпей өліп жатыр», – дейді Әндіжан облысы Пахтаабад ауылының тұрғыны.
Похожие статьи
Әндіжан облысы әкімшілігіндегі дереккөздің хабарлауынша, тауық өсіру жоспарына сәйкес, жергілікті билік Беларусь компаниясымен келісім-шартқа отырған.
– Беларусьтан 2 миллион Тетра тұқымдас балапан әкелді. Оларды 120 күн бойы баптап, көктем шыққан соң, тарату керек болған. Бірақ қаржылық жағдайға байланысты проблема туындаған. Ал банктер жеңілдетілген несие бермейтін болған. Нәтижесінде балапандарды тұрғындарға несиеге беретін болып шешкен», – дейді дереккөз.
Шавкат Мирзияев билікке келгеннен кейін, халықтың әл-ауқатын көтеру үшін әр отбасына тауық өсіруге кеңес берген. Президент егер әр отбасында 100 тауықтан болса, елде тұрмысы төмен жандар азаяды деген.
KAZAKBOL.COM
