KAZAKBOL.COM
Өзбекстан президенті Шавкат Мирзияев Конституцияға өзгерістер енгізу үшін референдум өткізуді ұсынды.
«Қазір айналамызда болып жатқан қауіпті және қатал жағдайда ел тағдырына жауапкершілікпен қарауды және стратегиялық шешімдерді қабылдауды талап етеді», — деді өзбек президенті конституциялық кеңес мүшелерімен кездесу кезінде.
Мирзияев негізгі құжатты өзгертуге қандай «қауіпті» және «қатал жағдай» негіз болып жатқанын айтпады. Ол желтоқсан айында Конституцияға өзгерістер енгізу жөнінде мәселе көтерілгеннен бері 48,5 мың ұсыныс түскенін айтып, «конституциялық реформа» референдум арқылы жүргізілуі керек деген.
Похожие статьи
Осыған дейін Өзбекстан парламенті жоғарғы палатасының төраға орынбасары Содик Сафоев Kun.uz жаңалықтар порталына берген сұқбатында жаңа өзгерістер Мирзияевтің осыған дейінгі президенттік мерзімдерін «жойып», оған үшінші мерзімге қайта сайлануға мүмкіндік берілетінін айтқан.
64 жастағы Мирзияев екінші президенттік мерзіміне былтыр қазан айында сайланған. Қазір бас заңға сәйкес, Өзбекстанда бір адамға екі мерзімнен артқы президент болып сайлануға мүмкіндік берілмейді.
KAZAKBOL.COM
