KAZAKBOL.COM
KAZAKBOL.COM
Бүгінде санитарлық авиация қызметінің иелігінде төрт көлік, ұшақ пен тікұшақ бар.
Похожие статьи
Павлодарлық дәрігерлер мен санавиация бригадасы Екібастұз қаласында өлімнің аузында қалған 2 жасар баланы құтқарды, — деп хабарлайды Baq.kz.
Облыстық жедел жәрдем станциясына Екібастұз орталық ауруханасының бас дәрігерінің орынбасары Айжан Байкенова хабарласып, тұншығып бара жатқан баланың жағдайы туралы айтқан. Қоңыраудан соң дәрігерлер тобы оқиға орнына дереу шықты.
Мамандардың айтуынша, кішкентай Эльдар тұмауратып қалған. Алайда, денесінің қызуы көтерілмеген. Кейін баланың жағдайы нашарлап, ұйықтай беріпті. Дәрігерлер баланың демалу жолдарында белгісіз зат тұрып қалуы мүмкін деген шешімге келіп, хирург пен эндоскопистің көмегіне жүгіну керектігін айтқан.
Санитарлық авиация қызметінің көмегімен хирург дәрігерлер мен эндоскопистер Екібастұзға жетті. Облыстық жедел жәрдем станциясы мамандарының айтуынша, эндоскопиялық тексеру барысында баланың демалу жолы шырышты тығыншымен жабылып қалғаны анықталған. Ауаның жетіспеушілігінен бала тұншыға бастаған. Бүгінгі таңда нәрестенің жағдайы тұрақты.
Мекеменің бас дәрігері Канадан Ахметжановтың айтуынша, биылғы жылдың 10 айында облыстық санитарлық авиация қызметі өңірдің тұрғындарына 231 рет барған. Ал ауыр халдегі азаматтарға 130 рет әуе көлігімен ұшып жеткен.
Айта кетейік, бүгінде санитарлық авиация қызметінің иелігінде төрт көлік, ұшақ пен тікұшақ бар. Арнайы көліктер медициналық модульдарымен қамтылған. Заманауи техниканың арқасында жаңа туған нәрестелерге дер кезінде көмек көрсетуге мүмкіндік бар. Халықаралық стандарттарға сай жабдықталған көліктермен 150 шақырымдық жерлерге барып, сапалы қызмет көрсетуге болады.
