Сауд Арабиясы Өзбекстанда әлемдегі ең үлкен жел электр станциясын салмақшы

Өзбекстан мен Сауд Арабиясының энергетика министрлері құны 12 млрд доллар болатын үш бірдей жобаға қол қойды.

Өзбекстанның энергетика министрлігінің мәліметінше, аталған үш жоба екі елдің жылу-электр кешенін дамытуға арналған.

Бірінші құжат Қарақалпақстанда салынатын қуаты 1,5 ГВт болатын жел электр станциясына қатысты. Бұл жоба тек аймақта ғана емес, әлем бойынша ең ірі жел электр станциясы болады деп жоспарланған. Ол 1,65 млн үйді энергиямен қамтамасыз етпек.

Екінші ACWA Power мен Air Products компаниясы арасындағы келісім Өзбекстанда жасыл сутек өндіріп, дамытуға бағытталған.

Үшінші құжатқа сәйкес, Сауд Арабиясы Өзбекстанның энергетика саласына бес жыл ішінде 10 млрд доллар инвестиция құймақ.

Источник