KAZAKBOL.COM
Қазақстан «түрмелерінде азаптау, ұрып-соғу, тіпті кісі өлтіру қылмыстарының куәсі болған» жазасын өтеушілер видеомәлімдеме жасады.
11 жыл бұрын сотталып, жазасын Семейдегі ОВ-156/14 түзеу мекемесінде өтеп жатқан Азат Сатышев түрмедегі азаптауқа наразылық білдіріп, шеге жұтып қойған. Оны соңғы рет қаңтар айының ортасында көрген туыстары Азаттың өмірі үшін алаңдайды.
«Ол азаптаудан құтылу үшін шеге жұтқан. Оны ұрады екен. Қатты азып кетіпті. Денесі көгерген. Енді оны бұдан да қатаң жүйеде ұстайды. Ол аман шықпауы мүмкін», — деді жазасын өтеушінің әйелі Ақмарал Сатышева.
Похожие статьи
Азат Сатышев Семей қаласындағы түрменің жағдайы туралы видео түсірген. Ол интернетте жарияланған.
Құқыққорғаушы Елена Семенованың айтуынша, Семейдегі ОВ-156/14 мекемесі жазасын өтеп жатқандардан азаптау туралы шағым жиі түсетін түрмелердің бірі. «Өкінішке қарай, шеге жұту — ондағы азаптауларға шыдамаған сотталушылардың өздерін қорғаудың жалғыз амалы болып отыр» дейді құқыққорғаушы.
KAZAKBOL.COM
