Шымкенттік мұғалім мектеп ғимаратында өз-өзіне қол салды

Шымкенттегі жалпы орта мектептерінің бірінде жан түршігерлік оқиға орын алды, деп хабарлайды NewТimes.kz ақпараттық агенттігі.

Мұғалімнің өз-өзіне қол салу оқиғасы «Мәртөбе» жалпы мектеп ғимаратында орын алған. Жасы шамамен 60-тардағы ұстаз әзірге белгісіз себептермен ғимараттың шатырында асылып, қайтыс болды. Өз-өзіне қол салу жайты тәуліктің қай уақытында орын алғаны белгісіз, мәйітті әріптестері тек кешкі уақытта тауып алған. Бұл оқиғаға қатысты қалалық білім бөліміндегілерден қандай да бір ақпарат алу мүмкін болмады. Ал облыстық Ішкі істер департаментіне қарасты Мемлекеттік тіл және ақпарат басқармасының басшысы Салтанат Қаракөзова бұл оқиғаға қатысты ресми мәлімет ертең таратылатынын мәлім етті.

Айта кетерлігі, өз-өзіне қол салған азамат аталған білім ұясында математика пәнінен сабақ беріп келген. Оның ұлы дәл осы білім ордасында директордың орынбасары қызметін атқарады.