Тәжікстанда президент туыстары тарихи ғимараттарды сүріп, тұрғын үй тұрғызбақ

Хатлон облысы Бохтар қаласында «Ватан сарайы» («Кохи Ватан») мен «Афсона» қуыршақ театрының ғимараттары сүрілмек. Дереккөздің хабарлауынша, Тәжікстан президенті Эмомали Рахмонның туыстары тарихи ғимараттарды сүріп, оның орнына қонақ үй мен тұрғын үй салмақшы.

«Ватан сарайының» сүрілетінін мемлекеттік мекемеде жұмыс істейтін үш бірдей дереккөз растады. Оның орнына тәжік президентінің балдызы, кәсіпкер Мухибулло Саъдуллоев жаңа қонақ үй тұрғызбақ.

Ал «Афсона» қуыршақ театрының ғимараты кәсіпкер Ходжи Зайнуллоға берілген екен. Ол театрдың орнына көп қабатты тұрғын үй салмақшы.

«Ватан сарайының» директоры Мавлуда Раджабзода тарихи ғимаратты сүру қате болды деп мұңайады.

«Жүрегім ауырады. Бұл ғимарат 1954 жылы салынған. 2000 жылы қаңта жөндеуден өткен. Бұл ғимаратта 33 жыл өмірім өтті», — дейді ол.

Бохтар қаласы мәдени басқармасының өкілі аталған ғимараттар ескі, бірақ тарихи архитектуралық ескерткіштер тізіміне енбейді дейді.

Қазір «Ватан сарайы» жұмысшылары қалалық мәдениет үйіне көшірілген.

Источник