KAZAKBOL.COM
Тәжікстанда салықтың он түрінің үшеуі қысқарды. Республикадағы салық жүйесі кәсіпкерлерге ауыр тиіп отыр. Билік жаңа Салық кодексін қабылдау арқылы салық ауыртпалығын азайттық дейді.
Тәжікстандағы жұмыс берушілер үшін жағымды жаңалық — республикада әлеуметтік қамту салығы жеңілдеді. Осы күнге дейін Тәжікстанда жұмыс беруші әрбір жұмысшы айлығының 25 пайызын әлеуметтік салық ретінде бюджетке төлеп келді. Жаңа кодексте әлеуметтік салық 20 пайыз деп белгіленді.
Тәжікстан қаржы министрі Файзиддин Каххорзода 3 қарашада парламентке жаңа салық кодексін таныстырып, қосымша құн салығы 18-ден 15 пайызға төмендегенін айтты. Министрдің мәлімдеуінше, заңды тұлғаларға табыс салығы 23-тен 20 пайызға, ал жеке тұлғаларға 13-тен 12 пайызға төмендеді.
Парламент депутаттары заң жобасын көп талқылап жатпады. Жоба қабылданды.
Похожие статьи
Тәжікстанда 2013 жылы қабылданған салық кодексін сынаушылар көп болды. Құжат кәсіпкерлерге ауыр тиді.
World Bank Group зерттеуінде Тәжікстан салығы өте ауыр он елдің қатарына қосылған.
Республикада салықты азайту туралы ұсыныстар жылда айтылады. Билік бюджетте қаражат тапшы деп отыр. Тәжікстан бюджетінің шамамен 70 пайызы салықтан түседі.
KAZAKBOL.COM
