KAZAKBOL.COM
Елбасымыздың 2018 жылғы 5 қазандағы «Қазақстандықтардың әл ауқатының өсуі: табыс пен тұрмыс сапасын арттыру» атты Қазақстан халқына арналған Жолдауында қоғамды сыбайлас жемқорлыққа қарсы іс-қимылға кеңінен тарту тапсырылған.
Осы мақсатта ағымдағы жылғы 26 қарашада Маңғыстау облысы әкімінің орынбасары Қ. Жұмашев, Маңғыстау облысы бойынша Сыбайлас жемқорлыққа қарсы қызмет департаменті басшысының бірінші орынбасары С. Қаныбеков, «Маңғыстау адалдық — алаңы» жобалық кеңсесінің жетекшісі Д.Үсіпбаев және Арнайы мониторингтік тобының жетекшісі Р.Утесбаеваның қатысуымен Түпқараған ауданы әкімдігінде кездесу өтті.
Шара барысында Серік Қаныбеков өз сөзінде мемлекеттік қызметшілер әрдайым әдепті, адал, қарапайым болуы қажет деп бастап, қызметтік әдеп нормаларын сақтамау сыбайлас жемқорлыққа, әр түрлі құқық бұзушылықтар мен теріс пайдаланушылыққа жағдай туғызатынын атап өтіп, сыбайлас жемқорлыққа қарсы заңнама талаптары, жалпы жауапкершілік және облыс көлемінде анықталған қылмыстар туралы баяндады.
Сонымен қатар, Маңғыстау облысы әкімінің орынбасары Қаныбек Жұмашев сыбайлас жемқорлыққа қарсы іс-қимылды тиімді жүргізу үшін, қоғамда сыбайлас жемқорлыққа қарсы мәдениетті қалыптастыру мақсатында әр қызметші өзгерісті өзінен бастау керектігін айта өтіп, тұлға бойында қалыптасатын парасаттылық, адалдық, әділдік секілді құндылықтарды кеңінен насихаттау қажеттілігін айта өтті.
Похожие статьи
Сондай-ақ, жұртшылықпен кері байланыс механизімдерін жетілдіру бағытындағы қолға алынған бастамалар мемлекеттік органның ашықтығының дәлелі екенін атап өтті.
ҚР Сыбайлас жемқорлыққа қарсы
іс-қимыл агенттігінің
Маңғыстау облысы бойынша
департаментінің баспасөз қызметі
KAZAKBOL.COM
