KAZAKBOL.COM
Түркия президенті Режеп Ердоған батыс елдерінің он елшісін елден шығару райынан қайтты. Бұл жөнінде түрік басшысы Анкарада өткен баспасөз конференциясында мәлімдеді.
Бұның алдында Канада, Франция, Финляндия, Дания, Германия, Нидерланд, Жаңа Зеландия, Норвегия, Швеция және АҚШ елшіліктері твиттерде мәлімдеме таратып, Түркияның ішкі ісіне араласпайтынын айтқан.
Похожие статьи
23 қазанда Түркия президенті Режеп Ердоған сыртқы істер министрлігіне батыс елдерінің он елшісін елден шығаруды тапсырған. Елшіліктер мемлекеттік төңкеріс жасауға талпынды деп айыпталған филантроп Осман Каваланы босатуын сұраған.
Түркия – НАТО мүшесі, Еуроодаққа кіруге кандидат. Соған қарамастан Ердоған дипломаттардың ел ішіндегі оқиғаларға қатысты Анкараға ақыл үйретуге құқығы жоқ деп мәлімдеді. «Мына елшілердің келіп алып, бізге не істеу керектігін бұйыруға құқығы жоқ! Кімсіңдер өзі?» — деген түрік басшысы Әділет және даму партиясы жақтастарының митингінде.
KAZAKBOL.COM
