KAZAKBOL.COM
Тәжік адам құқықтарын қорғаушы Иззат Амонның жақтастарының бірі Мұхаммадхон Эгамов айыппұл төлеген соң қамаудан босатылды. Ол 2021 жылғы қарашада Мәскеуде Душанбе өтінішімен ұсталған. Тәжікстан билігі Эгамовты аса ірі көлемде алаяқтатық жасады деп айыптаған.
Душанбе қаласы Исмоили Сомони аудандық сотының бір қызметкері Мұхаммадхон Эгамовтың үстінен «аса ірі көлемдегі алаяқтық» бабымен қылмыстық іс қозғалғанын айтқан.
«Іске қатысты соңғы сот отырысы шілденің басында өтті. Оған Эгамовтың туыстары мен жақындары қатысты. Сот оған айыппұл салып, оны сот залында босатты», дейді аудандық соттағы дереккөз. Ол айыппұл көлемін айтпады.
Похожие статьи
Мұхаммадхон Эгамовтың нақты қай күні бостандыққа шыққаны белгісіз. Оның достары 29 шілдеде Озоди радиосына Эгамовтың Мәскеуде жүргеніне бір апта болғанын хабарлаған. Ол Ресей астанасында таксиші болып істейді.
Биыл маусым айында Душанбедегі Исмоили Сомони аудандық соты мигрант құқықтарын қорғаушы Иззат Амонды жаңа қылмыстық іс бойынша алты жылға соттады. Бұл жолы оған аса ірі көлемде алаяқтық жасады деген айып тағылған. Ал биыл наурыз айында Амон тоғыз жылға сотталған.
Иззат Амон жаңа үкімге шағымданудан бас тартты. Өйткені ол Тәжікстанда тәуелсіз, әділ сот бар дегенге сенбейді.
KAZAKBOL.COM
