Тәжікстан бас прокуратурасының жауапты қызметкері ұсталды

Полковник Зокир Назарзода мемлекет қаржысын талан-таражға салды деген күддікке қалды, деп хабарлайды Озоди радиосының дереккөзі. Назарзода Бас прокуратураның азаматтарды қабылдау бөлімін басқарған.

Тәжікстан бас прокуратурасы полковник Зокир Назарзоданың ұсталғаны туралы мәліметті растамады, жоққа шығарған да жоқ.

Озоди радиосы дереккөзінің мәліметінше, полковник Назарзода кешкі босқосулардың бірінде Бас прокурор Юсуф Рахмонды балағаттаған соң ұсталған. Мәліметті басқа да дереккөздер арқылы растау мүмкін болмай отыр.

Зокир Назарзоданың туыстарының бірі прокуратура басқармасы басшысының ұсталуын «кек алу» деп сипаттады. «Назарзода кінәлі емес. Оны себепсіз қызметтен алды, сосын үстінен қылмыстық іс қозғады», дейді күдіктінің бір туысы.

Полковник Назарзода ісін Бас прокуратураның аса мағызды қылмыстық істер жөніндегі басқармасы тексереді. Оған билік өкілін тілдегені үшін айып тағылған-тағылмағаны белгісіз.

Источник