Ташкентте Орталық Азиядағы ең ірі эндокринология орталығы ғимараты сүрілмек

Орталық Азия бойынша ең ірі Ташкенттегі Республикалық эндокринология орталығы басқа жерге көшірілмек.

Орталық қызметкерлері қыркүйекте Ташкенттегі медициналық қалашық жанындағы жаңа құрылған ғимаратқа көшіп баратынын айтты.

— Ташкенттегі Республикалық эндокринология орталығы ғимаратын сүріп, босаған жерді президент мектебіне береді деп айтып жатыр, — дейді орталық дәрігерлерінің бірі.

Науқастар мерзім сайын алуы тиіс емді қабылдай алмаймыз ба деп қорқады.

Ташкенттегі орталық орналасқан Мирзо-Улугбек ауданы жері ең қымбат элиталы аймақтар қатарына кіреді. Бұл жерде бір гектар жер 2 миллион доллар шамасында болады.

Эндокринология орталығында елуден астам дәрігер жұмыс істейді. Мекеме сайтындағы мәліметке қарағанда, орталықта күніне 50 мыңнан астам адам жоғарғы технологиялық көмек алса, 8 мыңнан астам науқасқа стационарлық қызмет көрсетіледі.

Источник