Қуаныш Сұлтанов. Фото: nurotan.kz
«Президент қалай қабылдауы керек едi? Мен осылай болуы мүмкiн екендiгiн бiлдiм… Өте байсалды, дұрыс қабылдады», — дедi Қуаныш Сұлтанов журналистердiң сұрағына жауап бере отырып.
Сұлтанов Астанаға елбасының есімін беруді ұсынған болатын.
Депутат осы күндерi әлеуметтiк желi айтылып жатқан сынның көңiлiне тиетiнiн жасырмады.
«Бұл әркiмнiң құқығы. Бiрақ саяси мәдениет болуы керек. Пiкiрдi сынауға болады, бiрақ жеке басқа тиiсуге болмайды. Қандай да бiр идея, ұсыныс үшiн адамдарға тiл тигiзген жөн емес. Оның пiкiрiмен келiспей-ақ қойыңыз, бiрақ адамды бiлмей тұрып, ол туралы неше түрлi айтуға болмайды. Бұл бiзде саяси мәдениет жеткiлiксiз екенiн көрсетедi», — дейдi ол.
Айта кетейiк, мемлекет басшысы Нұрсұлтан Назарбаев Астананың атауын өзгертудің қажеті жоқ екенін айтты.