KAZAKBOL.COM
Украина Ресейдің күшпен басып алған аймағына рұқсатсыз турист ретінде барған Қазақстан азаматтарына қомақты айыппұл салмақ.
Тіпті, «қылмыстық жаза қолданамыз» деп қатал ескерту жасады.Бұл туралы КТК арнасы хабарлайды.
Киевтің Қазақстандағы туристік агенттіктердің Қырымға жолдама сатуы кәдімгідей шамына тиіп отыр. Арнайы мәлімдеме жасаған Астанадағы Украина елшілігі аннексияланған аймақпен байланыс орнату халықаралық ережені өрескел бұзу деп санайды. Сондықтан, Ресей территориясы арқылы Қырымға баруға заңмен тыйым салып отыр.
Ережеге бағынбағандар Украинаны айтпағанда, Еуропалық Одақ елдеріне кіре алмай қалуы мүмкін. Бір қызығы, Киевтің бастамасы жайлы еліміздің Сыртқы Істер министрлігі білмейтін боп шықты.
Ал отандық туристік агенттіктер тиісті ресми құжат келмей, жолдама сатуды доғармайтындарын айтады. Дегенмен, Қырымға онсыз да сұраныс жоқ дейді турагенттіктер. Оның үстіне 2 жыл бұрын Ресей басып алған аймақ санкцияға ілініп, әлемнен оқшауланып қалған.
