Жетпіс жастағы ақсақал Назарбаевтан жалынып, көмек сұрады (видео)

«Құрметті, Нұрсұлтан Әбішұлы! Мен Тоқтыбев Әбірбек, жасым жетпісте. Менің он жеті жыл бойы жасаған бизнесіме рейдерлік шабуыл жүріп жатыр. Бұл заңсыздық Атырау облысы, Индер ауданында болып жатыр. Бұны аудандағы Әділет басқармасының көмегімен жеке сот орындаушысы Сұлтанғалиев жүзеге асыруда«, — дейді ол.

Айтуынша, құқық қорғау ұйымдары да бұл іске қатысты әділ шешім шығармай отыр.

«Менің барлық шағымыма құқық қорғау ұйымдары еш әрекет жасап жатқан жоқ, сот заңсыз шешім қабылдап, полицияда қол қусырып отыр. Мен Индер ауданындағы жазықта тұз өндіру мекемесін аштым, мұнда өзімнің бар күш-жігерімді салып қырық бес жұмыс орнын құрдым. Бүгін орын алып жатқан заңсыздық Қазақстан Республикасының Конституция заңын белден басып отыр.

Нұрсұлтан Әбішұлы, мен сізден Конституция кепілі ретінде көмек сұраймын! Менің құқымды қорғауға көмектесіп, орын алып жатқан заңсыздықты тоқтатыңыз!»,-деген Әбірбек ақсақал.