Новости Казахстана, Новости России и мира,Обновляемая лента новостей

Қазақстан биыл суды Ресейден қымбатқа сатып алады (видео)


2021 жылы Қазақстан суды Ресейден былтырғыға қарағанда қымбатқа сатып алады, бірақ су аз болады. Батыс Қазақстан облысының әкімі Ғани Есқалиев 25 мамырдағы брифингте Азаттық тілшісінің сауалына осылай деп жауап берді.

— Былтыр 180 миллион текше метр суға біз шамамен үш миллиард теңге төледік. Биыл Ресейге 4,2 миллиард теңге төлейміз, 140 миллион текше метр су аламыз. Саратовтан. Онда электр қуатының тарифі өзгерді. Су Еділ өзенінен 92 метр жоғары көтеріледі. Сол себепті ақысын төлеуге тура келеді, қаражат су айдау станцияларының шығынын жабуға кетеді, — деді Есқалиев.

Су ресурстары жөніндегі сарапшы Мейрам Жұмабековтің айтуынша, Батыс Қазақстан облысында 1960-жылдары су тапшы болған, сол кезде совет билігі суды Еділ өзенінен арналармен жеткізу туралы шешім қабылдаған.

— Қазақстан мен Ресей арасында су бөлуге қатысты хаттама бар. Қазір бұл хаттама жарамсыз болып қалды, өйткені Ресей жағы оны ескірген деп отыр. Білуімше, бізге су хаттамада көрсетілгендей көп келмейді. Хаттамада Батыс Қазақстан облысы мен Саратов облысының су үлесі көрсетілген. Өкінішке орай, облысқа Ресейден суды басқа да әдіспен алдыратын жолы жоқ, — дейді сарапшы.

Жұмабековтің айтуынша, Қазақстанның Ресейден сатып алатын суы Батыс Қазақстанның шөлейтті оңтүстік аудандарына беріледі.

2019 жылы Жайық өзенінің суы қатты азайып кетті. Өзен бойындағы тұрғындар ауыл шаруашылығы мен мал шаруашылығына су жетпей жатқанын айтты.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM