KAZAKBOL.COM
Қазақстанның сыртқы істер министрлігі қазақстандық дипломаттардың не себептен құқық қорғаушы Бақытжан Төреғожинаға АҚШ мемлекеттік хатшысының «Батыл әйел» халықаралық сыйлығын табыстау рәсіміне қатыспағанын түсіндірді.
13 наурызда СІМ баспасөз хатшысы Айбек Смадияров сыйлықты табыстау рәсіміне Қазақстанның АҚШ-тағы елшісі Ержан Ашықбаевтың шақырылғанын айтты.
«Дәл осы күні елші энергетика министрі бастаған қазақстандық делегаттармен бірге Хьюстон қаласында болды», — деді СІМ өкілі.
Ол америкалық қаулы мен Ақ үй ережесіне сәйкес шақырылған адамның орнына басқа адамның баруына болмайтынын түсіндірді.
Похожие статьи
«Әрине, біз үкіметтік емес ұйымдардың дамып, халықаралық дәрежеде сыйлық алып жатқанына қуанамыз. 2018 жылы бұл сыйлықты Айман Умарова алды, 2021 жылы Шахноза Хасанова Department of State Trafficking in Person Report Heroes Award сыйлығын иеленді», — деді СІМ өкілі.
Бүгінге дейін бұл марапат 80 елдің 180 азаматына табысталған. Марапаттау рәсімінен кейін сыйлық иегерлері «Халықаралық қонақтарға арналған лидерлік бағдарламасына» қатысады. Олар АҚШ-тың түрлі қаласында сол жақтағы әріптестерімен кездеседі.
Бақытжан Төреғожинадан бөлек, бұл марапатты 10 әйел иеленіп отыр. Олар Ауғанстан, Аргентина, Орталық Африка Республикасы, Коста-Рика, Эфиопия, Иордания, Малайзия, Моңғолия елдерінің өкілдері. «Батыл әйел» марапаты аясында Ирандағы наразылыққа қатысқан әйелдерге Мадлен Олбрайт сыйлығы берілді.
KAZAKBOL.COM