KAZAKBOL.COM
Қырғызстанның Ұлттық қауіпсіздік комитетінің шекара қызметі 16 желтоқсанда қырғыз-тәжік шекара аймағында оқ атылған оқиға тіркегенін хабарлады.
Ақпаратқа қарағанда, Қырғызстан азаматтары Баткен ауданы Көчө-Бою аймағында құрылыс істерін жүргізе бастаған. Ол жерге тәжік шекарашылары барып, құрылысты тоқтатуды талап еткен. Олар «Макаров» үлгісіндегі тапаншадан төрт рет көкке оқ атқан.
Екі өлкенің жергілікті шекара қызметінің өкілдері оқиға бойынша жолықты. Арнайы қызмет қырғыз азаматтары шекараға өте жақын емес, Көчө-Бою ауылының ішінде құрылыс жүргізіп жатқанын айтып, тәжік тараптың қару қолданғаны дұрыс болмағанын жеткізді.
Похожие статьи
Тәжікстанның шекара қызметі оқ атқан сарбазына шара қолданатынын хабарлап, екі тарап кездесіп, келіссөз жүргізуге келісті.
Қырғызстанның ұлттық қауіпсіздік қызметі қазір шекара аймағында тыныш екенін айтады.
Қырғыз-тәжік шекарасындағы белгіленбеген аймақта тез-тез жанжал шығып тұрады. 2021 жылдың жазында қарулы қақтығыста екі тараптан ондаған тұрғындар, әскерлер көз жұмған.
KAZAKBOL.COM