«Қырғызстан» банкі Temirov Live жобасының есеп-шотын жапқанын хабарлады

«Қырғызстан» банкі МБАНК төлем жүйесі арқылы ашылған есеп-шотты жапқанын Фейсбук парақшасы арқылы хабарлады.

Желтоқсан айының басында жоба өкілдері МБАНК төлем жүйесі арқылы есеп-шот ашып, халықтан жемқорлыққа қарсы күресті қолдауға шақырған.

Қазір Temirov Live заңгерлері, журналист-зерттеушілер банкпен келіссөз жүргізіп жатыр.

Биыл 19 қыркүйекте «Қырғызстан» банкі мен «Бейлеп» қоғамдық қоры және Temirov Live жобасы үшжақты келісімге қол қойған. Бірақ желтоқсан айының басында банк біржақты келісімді бұзып отыр.

Temirov Live «Қырғызстан» банкінің іс-әрекетін негізсіз деп санайды. «Банк тарапынан ешқандай себепсіз біржақты келісімді бұзу, бұл банк қызметкерлерінің кәсіби білігі жоғын, клиенттерінің сенімін жоғалтатынын көрсетеді», — дейді Temirov Live жобасының өкілдері.

Temirov Live – сот шешімімен Қырғызстаннан күшпен шығарылған, коррупцияны зерттейтін журналист Болот Темировтің Ютуб каналы.

Источник