Қырғызстан тұрғындары 50 гектар жердің Өзбекстанға берілуіне қарсы шықты

Қырғызстанның Ұлттық қауіпсіздік жөніндегі мемлекеттік комитеттің төрағасы Камчыбек Ташиев жер алмасуға наразы болған тұрғындардың талабынан кейін Ташкентке тағы бір барып келетінін жеткізді.

Ол 19 сәуірде «Кемпир-Абадтың» жанынан 50 гектар жерді Өзбекстанға беруге қарсы болған тұрғындармен кездескен.

«Олар (Өзбекстан — ред.) 20 гектар жерді алмасуға дайын деп айтайын. Елу емес, жиырма гектарды. Жарайды ма? Қоршалған 20 гектар жерді ала берсін»,- деді Ташиев.

Осының алдында Өзбекстанмен жер алмасуға байланысты протоколды Қырғызстан үшін ең тиімді келісім деп атап, бұған дейінгі жер таластарға нүкте қойылады деген.

Жергілікті тұрғындар «Кемпир-Абад» жанындағы 50 гектар жердің Өзбекстанға берілуіне қарсы болған тұрғындар 17 сәуірден бастап мерзімсіз акция бастаған.

ҰҚМК жетекшісі Камчыбек Ташиев 30 наурызда Өзгөн ауданында тұрғындармен кездесу кезінде «Кемпир-Абад» су қоймасының жанынан 50 гектар жер Өзбекстанға берілгенін, оның орнына Қырғызстан басқа аймақтан жер алғанын жеткізген.

18 сәуірде Мәскеудегі қырғызстандық мигранттар да билік шешіміне қарсылық білдірген.

Жер алмасу әрекеті биыл 24-25 наурызда Ташкентте шекараны делимитациялау және демаркациялау бойынша өткен қырғыз-өзбек үкіметаралық комиссия отырысынан кейін мәлім болды.

centralasian.org