KAZAKBOL.COM
Ұлыбритания Ресей әділет министрі мен олигарх Әлішер Усмановтың немере ағайындарына санкция салды.
Бұған қоса, Ресей үкіметіне қарасты Sputnik International ақпарат агенттігінің бас редакторы Антон Анисимов пен ресейлік RT және «Звезда» телеарналарымен байланысы бар британ видеоблогері Грэм Филлипске де санкция жарияланды.
Тізімдегілердің активтері Ұлыбританияда бұғатталады.
Әлішер Усманов ЕО санкция тізіміне Ресей Украинаға басып кірген уақытта енгізілген. Бұл тізімде президент Владимир Путинге жақындығы бар басқа да ресейлік олигархтар бар.
Похожие статьи
Миллиардерге Еуроодаққа кіруге тыйым салынған, ал оның ЕО-дағы активтері бұғатталған.
Наурыз айында француз билігі Әлішер Усмановқа тиесілі делінген екі тікұшақты бұғаттады. Германия үкіметі Гамбург портында тұрған 600 млн долларлық «Dilbar» яхтасына күзет қойды. Италиядағы ақпарат құралдары Сардинияда Усмановқа тиесілі вилла құлыпталғанын жазды.
Ұлыбритания СІМ мәліметінше, Әлішер Усманов активтерінің бір бөлігін қарындасы Гүлбахор Исмаилованың атына жаздырған. Содан кейін Исмаилованың да активтері Ұлыбританияда бұғатталды.
8 сәуірде Еуроодақ кеңесі Әлішер Усмановтың тағы бір қарындасы Саодат Нарзиеваны да сакция тізіміне қосты. Мәліметтерге қарағанда, Нарзиева Швейцарияда кем дегенде 27 банк есебін аштырған. Мұнда 2 миллиард доллардан астам қаражат жатыр.
KAZAKBOL.COM
