Новости Казахстана, Новости России и мира,Обновляемая лента новостей

Әскери қызметшілер «OIQAZAN» зияткерлік ойынына қатысты


Түркістан облысы Қорғаныс істері жөніндегі Департаментінің әскери қызметшілері «Білім. Бірлік. Болашақ» тақырыбында өткен OIQAZAN»зияткерлік ойынына қатысты.

 

Іс-шара «Turkistan Arena» стадионында сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Түркістан облысы бойынша департаментінің ұйымдастыруымен жәнне облыс әкімдігінің қолдауымен өтті.

Ойынға облыстық қорғаныс істері жөніндегі департаменттің әскери қызметшілерінен басқа Алматы, Қызылорда және Түркістан облыстарымен Шымкент қаласының жоғарғы оқу орындары студенттерінің командалары, Түркістан облысының мемлекеттік, құқық қорғау органдарының қызметкерлері, үкіметтік емес ұйымдардың мамандары, кәсіпкерлер, журналистер мен блогерлер, сондай-ақ белсенділер қатысты.

Жалпы алғанда еліміздің жеті өңірінен 35 команда бақ сынасты.

Зияткерлік ойын жеті кезеңнен тұрды. Командалар әртүрлі санаттағы: Түркістан тарихы, өнер және көрнекті тұлғалар туралы сұрақтарға жауап берді. Қатысушылар музыкалық шығармалар мен фильмдер туралы білімдерін көрсетті. Сонымен қатар, ойынға сыбайлас жемқорлыққа қарсы күрестің әлемдік тәжірибесіне қатысты тапсырмалар болды.

— Ойын қызықты әрі тартымды өтті, қатысушылар қарсыластарынан асып, өз білімдерін көрсетуге тырысты. Сонымен қатар, жарыс әзіл-қалжыңмен және көңілді көңіл-күймен сүйемелденді. Барлығы ойыннан және жақсы қарым – қатынастан жағымды эмоциялар алды, — деп бөлісті Түркістан облысы Қорғаныс істері жөніндегі департаментінің «Қорғаныс қырандары» командасының капитаны майор Жандос Күлдербаев.

Жеңімпаздарға, белсенді қатысушылар мен жанкүйерлерге кубоктар, бағалы сыйлықтар табыс етіліп, соңында концерттік бағдарлама ұйымдастырылады.

 

Шымкент гарнизонының баспасөз қызметі

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM