KAZAKBOL.COM
30 маусымда Ферғана облысының Өзбекстан аудандық соты 12 жастағы оқушыға интимді жақындық ұсынған 42 жастағы музыка пәнінің мұғаліміне шешім шығарды.
Сот оны «ұсақ бұзақылық» бабы бойынша айыпты деп танып, 15 тәулікке қамау жөнінде шешім шығарған. Мұғалім бір жылдан кейін мектептегі жұмысына қайтып орала алады.
Оқушының адвокаты айыпталушы Әкімшілік кодекс емес, Қылмыстық кодекс бойынша жазаға тартылуы керек еді дейді.
– Судья бұл адамға қатысты Қылмыстық кодекстің кемінде үш бабын — «Қылмыс жасауға дайындалу», «Әйелді төсек қатынасына мәжбүрлеу» және «Жасы кәмелетке толмаған жеткіншекке азғындық әрекетін жасау» баптарын қолдануы керек еді. Судья егер осы үш бапты қолданып, айыпталушыны жазаласа, сот әділдігі болатын еді», – дейді адвокат.
Похожие статьи
Сот мәліметі бойынша, оқушы қызға музыка пәнінің мұғалімі интимді жақындық ұсынып, хат жазған. Ол бұл хатты әке-шешесіне көрсеткен. Әке-шешесі бірден құқық қорғау органдарына арызданған.
Енді Өзбекстан ауданының тұрғындары жазаланушы 15 тәуліктен кейін бостандыққа шығады деп балалары үшін қорқып отыр.
Елдің білім беру министрлігі бұл оқиғадан хабары жоқ екенін айтты.
KAZAKBOL.COM