KAZAKBOL.COM
Алматыда 15 ақпанда Қазақстан, Қырғызстан және Ресей кеден мен салық қызметтері өкілдерінің кездесуі өтті.
Қазақстан үкіметі баспасөз қызметінің хабарлауынша, жүздесуде үш елдің салық және кеден қызметтерінің жұмыстарын тиімді үйлестіру мәселелері талқыланған.
Қазақстан делегациясының басшысы, премьер-министрдің орынбасары — сауда және интеграция министрі Бақыт Сұлтано «соңғы кездері Еуразиялық экономикалық одақ нарығында қытай тауарының заңсыз айналымы ұлғайғаны байқалады» деп мәлімдеді. «Бұл мәселеге біздің үкіметтер бейжай қарамауы тиіс. Мұндай жағдай нарықтағы бәсекені арттыруға кері әсер етеді, түптеп келгенде экономиканың бірқатар салаларының дамуын тежейді», — деді ол.
Похожие статьи
Еске салайық, Қазақстан «қытай тауарларының заңсыз айналымы» туралы бұған дейін бірнеше мәрте мәлімдеп, бұған Қырғызстанды ашық айыптаған. 2020 жылғы маусым айында Қазақстан қаржы министрлігінің мемлекеттік кіріс комитеті «Қырғызстан экспорты мен Қазақстан импорты мәліметтері үйлеспейді: Қырғызстан цифрлары он есе аз» деп мәлімдеген. Қырғызстанның экономика министрлігі қатені Қазақстаннан іздеу керек деп жауап берген.
Қазақстан жағы шекарадағы тексерулерді «заңсыз импортпен» күрес деп сипаттаған. Соның салдарынан Қырғызстан шекарасында жүк көліктері ұзын-сонар кезекте тұруға мәжбүр. Ресми Бішкек ЕАЭО-ға мүше елдер арасында мұндай негізсіз тексерулер болмауы тиіс деп отыр.
KAZAKBOL.COM
