KAZAKBOL.COM
Қырғызстан милициясы халықаралық «Сапат» білім мекемесінің президенті Орхан Инандыны іздеп табу үшін бар күшін салады. Қырғызстанның ішкі істер министрлігі 2 маусымда осылай деп хабарлады.
Инандыны іздеп табуға күш салуды қырғыз президенті Садыр Жапаров тапсырған. Президенттің баспасөз қызметі Орхан Инандының Қырғызстан азаматы екенін растады.
Бұл уақытта, Түркияның Қырғызстандағы елшілігі алдында Инандыны табуды талап етушілердің митингі өтіп жатыр. Акцияға қатысушылар оны Түркияның арнайы қызметі ұрлап әкетуі мүмкін деп қауіптенеді. Елшілік осы айыптауға қатысты пікір айтпады.
Похожие статьи
Бұның алдында адвокат Зоотбек Құдайбергенов Инандыны күшпен Бішкекте ұстап отыр деген расталмаған ақпарат барын хабарлаған.
«Сапат» білім мекемесінің президенті Орхан Инанды 1 маусымда түнде жоғалған. Оның автокөлігінің есігі ашық қалған. Ұлының айтуынша, Инанды соңғы рет 31 мамырда кешке телефонмен байланысқа шыққан.
Түркия тумасы Орхан Инанды — «Сапат» түрік мектептері желісі мен «Ататүрік Ала-Тоо» университетінің негізін қалаушы. Қырғызстан азаматы.
KAZAKBOL.COM