KAZAKBOL.COM
28 сәуірде Тәжікстанның Исфара ауданы Хожа ауылы мен Қырғызстанның Баткен облысы Кок-Таш ауылы тұрғындарының арасында тағы жанжал болды. Бұл жолы тәжік тарапының «Головной» бастоғанына видео бақылау орнатуына қырғыз азаматтары қарсы шықты.
Тараптар бір-біріне тас лақтырған. Бастоғандағы суды бақылау үшін тәжік жағы видео бақылау орнатпақ болған. Ал қырғыз тарапы бұрынырақ орнатып қойған. Оқиға орнына қырғыз шекарашылары келіп, тоқтатуды талап еткен. Екі тараптың өкілдері арасындағы келіссөз кезінде атылған оқтың дауысы естілді дейді куәгерлер.
Куәгерлер сөзінше, жанжал үш сағатқа созылған. Тұрғындар бір-біріне тас лақтырған. Нәтижесінде тәжік ауылының кемінде 15 тұрғыны жараланған.
Похожие статьи
Қырғыз билігінің хабарлауынша, Кок-Таштың екі тұрғыны жараланған. Олар басынан жарақат алып ауруханаға түскен.
Қазір екі ел шекарашылары арасында келіссөз жүріп жатыр.
Сәуір айының ортасында осы бастоғанға байланысты тұрғындар арасында жанжал болған. Бірақ ол кезде тараптар сол күйі келісімге келе алмай кеткен.
KAZAKBOL.COM
