Қырғызстан казиноға қызығатын шетелдіктерге 15 тәулік визасыз кіруді ұсынады

Қырғызстанның экономика және коммерциялар министрлігі ойынханаға қызығатын шетелдіктерге визасыз және тіркеусіз келуге рұқсат беретін заң жобасын ұсынды.

Бұл құжат Koomtalkuu.gov.kg сайтында жарияланды.

Заң жобасын ұсынушылар «Сыртқы миграция жөнінде» және «Ойын қызметі туралы» заң жобаларына өзгерістер енгізіп, шетелдіктерге 15 тәулікке визасыз кіруге рұқсат бермек.

Бірақ шекараны заңсыз кесіп өткендердің жазасын күшейту қарастырылған. Атап айтқанда, 500-1000 айлық есептік көрсеткішіне дейін айыппұл мен екі жылға дейін түрме жазасы қарастырылған.

2022 жылдың шілде айынан бері Қырғызстанда ойынхана қызметіне заңды түрде рұқсат берілген.

Источник