Қырғызстанда коронавирустың «омикрон» штамы тіркелді

Қырғызстанда алғаш рет коронавирустың «омикрон» штамы бір науқастан анықталды. Бұл туралы денсаулық сақтау министрлігінің өкілі Айгүл Жұмаканова хабарлады.

Оның айтуынша, тест тапсырған 165 науқастың екеуінен «омикрон» штамы табылды. Олар республикалық жұқпалы аурулар ауруханасында емделіп жатыр. Зерттеу 4-6 қаңтарда өткізілген, бірақ оның нәтижесі алты күннен кейін ғана мәлім болды.

Жергілікті ақпарат құралдары Қырғызстанда COVID-19 эпидемиясының төртінші толқыны басталғанын жазып жатыр. Олар елдің денсаулық сақтау министрлігіне сілтеме жасаған.

«Омикрон» штамы алғаш рет Оңтүстік Африка Республикасында тіркелді. Мамандар коронавирустың бұл түрі өте тез жұғады деп есептейді.

Коронавирус эпидемиясы кезінде Қырғызстанда 186 878 адамның коронавирус жұқтырғаны анықталды. 2 823 адам жұқпалы аурудан қайтыс болды.

Источник