KAZAKBOL.COM
Қырғызстанда «Сапат» білім беру мектептерін басқарып келген Орхан Инандыны Түркияға ұрлап әкету бойынша қылмыстық іс қозғалды. Бұл жайында елдің бас прокуратурасы мәлімдеді.
Ақпаратқа қарағанда, қазір шекарашыларға қарсы тергеу ісі жүріп жатыр.
Қырғызстан азаматтығын алған, тегі түркиялық Орхан Инанды 1 маусымға қараған түні жоғалып кетті. 5 шілдеде Түркия президенті Режеп Тайып Ердоған арнайы қызметтің оны Анкараға алып келгенін мәлімдеді.
Похожие статьи
Инандының Түркиядағы адвокаты Халил Ибрагим Йылмаз Инандыға қозғалған қылмыстық іспен танысу жүріп жатқанын, мемлекеттік айыптаушы оған 22 жыл сұрап жатқанын, сот отырысы 16 қыркүйекке белгіленгенін мәлімдеген.
Инанды өзін үш қырғыз азаматы күшпен ұстап, көзін байлап, Түркияға алып шығуға көмектескенін айтқан.
Қырғыз президенті Садыр Жапаров Анкарадан Орхан Инандыны қайтаруды талап ететінін мәлімдеген. Ал Ұлттық қауіпсіздік комитеті төрағасы Камчыбек Ташиев Орхан Инанды қырғыз азаматтығын алғанымен түрік азаматтығынан бас тартпағанын, сондықтан Түркияның құқық қорғау органдары оны жауапқа тарта алатынын мәлімдеген.
KAZAKBOL.COM
