Қырғызстаннан Ресейге темір жол қатынасы қайта қалпына келеді

21 ақпаннан бастап Қазақстан аймағы арқылы Қырғызстаннан Ресейге жолаушы таситын тұрақты темір жол рейстері жүре бастайды. Бұл туралы 16 ақпанда Қырғызстанның Министрлер кабинетінің баспасөз қызметі хабарлады.

Ақпаратқа қарағанда, мұндай шешім Алматыда өткен Қырғызстан мен Қазақстанның сауда-экономикалық әріптестік бойынша жұмысшы топтың отырысында қабылданған.

Аталған пойызған міну үшін, жолаушылардан коронавирус жоқ екенін растайтын ПТР тест талап етіледі. Ол анықтама 72 сағатқа ғана жарайды. Сонымен бірге екпе алғаны жөнінде сертификат талап етіледі.

Қырғызстан коронавирус пандемиясынан кейін 2020 жылдың наурыз айында өлке ішіндегі және халықаралық темір жол рейстерін уақытша тоқтатқан.

Источник