KAZAKBOL.COM
Өзбекстан президенті Шавкат Мирзияев 1 ақпанда Әндіжан тұрғындарымен кездесу кезінде елдегі энергия саласындағы проблемалар мен оны шешу жолдарын көтерді.
Бұл жайында «Газета.уз» сайты жазды.
Президент сөзінше, биылғы суық күндері елде электр энергиясы тапшылығы сағатына 3,1 миллиард кВт болды, оның 1,1 млрд кВт/сағаты Ферғана өңіріне (Әндіжан облысы – 384 млн, Наманган облысы – 288 млн және Ферғана облысы – 441 млн) тура келген. Сұраныс 30% өсіп, бұл көптеген апатқа алып келген.
«Күн және жел электр станциялары салаларына ірі жобаларды іске асыру қажет. 2023 жылы Пап және Ферғана аудандарында қуаты 600 МВт болатын екі күн электр станциясын салу жоспарда бар «, – деді президент.
Похожие статьи
Президент бюджеттік нысандарда «күн энергиясын пайдалану бойынша» жеке компания құрылатынын, бұл үшін 200 миллион доллар бөлінетінін мәлімдеді. Ол компания өз алдына күн панелдерін және су жылыту жабдықтарын орнатып, бюджеттік мекемелерге «жасыл энергия» сатады.
Өзбек президенті сонымен бірге барлық әлеуметтік нысандардағы 3 мың ескі қазандықты заманауи жабдықтарға алмастыру қажеттігін жеткізді. Бұл үшін биыл мемлекеттен 250 млрд сум бөлінеді.
Президент жауапты мекемелерге бұл істерді 1 қазанға дейін атқаруды тапсырды.
KAZAKBOL.COM