Өзбекстан президенті 26-27 қаңтарда ресми сапармен Қырғызстанға барады

Бұл жөнінде Қырғыз президентінің сыртқы саясат бойынша бөлім басшысы Мұратбек Азымбакиев мәлімдеді.

«Өзбек президентінің сапары аясында қырғыз президенті Садыр Жапаровпен екіжақты келіссөзі қарастырылған. Екі елдің лидерлері стратегиялық әріптестікке байланысты біраз мәселелерді талқылайды», — деді Мұратбек Азымбакиев.

Бұдан бөлек бірқатар құжаттарға қол қою жоспарланған.

Сонымен бірге Бішкекте қырғыз-өзбек кәсіпкерлерінің қатысуымен бизнес-форум өтеді.

Жақында екі елдің парламенті бекіткен Кемпірабад су қоймасын бірлесіп басқару бойынша келіссөзге қол қойыла ма, жоқ па, ол жағы белгісіз.

Шавкат Мирзияевтің сапары былтыр 10 желтоқсанға жоспарланған болатын. Бірақ сапар кейінге шегерілді.

Источник