KAZAKBOL.COM
17 қаңтарда қазақ-өзбек шекарасындағы «Жібек жолы» кеден өткізу бекетінде ұсталған оқ жарақаты бар адам Өзбекстан азаматы емес. 18 қаңтарда Өзбекстан СІМ осындай мәлімдеме жасады.
Министрліктің айтуынша, Өзбекстанның Алматыдағы бас консулдығы Қазақстан Ұлттық қауіпсіздік комитетінен хабарлама алған. Онда ұсталған адамның Өзбекстан азаматы емес екені жазылған.
Бұған дейін Азаттықтың Өзбек қызметі қазақстандық шекарашылар Шымкенттегі тәртіпсіздікке қатысуы болуы мүмкін деген өзбек азаматын ұстағаны жөнінде хабарлаған.
Похожие статьи
Қазақстан ҰҚК осыған дейін Түркістан облысындағы «Жібек жолы» бекетінде Өзбекстан жағына өтпек болған 29 жастағы өзбек азаматының ұсталғанын мәлімдеген. «Ұсталған адамның телефонында Шымкенттегі тәртіпсіздіктер туралы видеолар болды. Омыртқасында оқ жарақаты (болжам бойынша резеңке оқ) бар» деген еді ҰҚК.
Ресми мәлімет бойынша, Қазақстанда қаңтар оқиғасының салдарынан кемінде 227 адам қаза болған. Арасында балалар да бар. Құқық қорғаушылар оқиға кезінде бейбіт тұрғындардың да қаза болғанын хабарлап, республиканың түкпір-түкпірінде белсенділердің жаппай ұсталуына, азаптау жайлы шағымдарға алаңдаған.
Бұған дейін билік Қазақстанға «халықаралық террористер шабуылдағанын» мәлімдегенмен оған дәлел келтірген жоқ.
KAZAKBOL.COM