KAZAKBOL.COM
Өзбекстан үкіметі, кәсіпкерлер және тұрғындар Түркияда зілзаладан зардап шеккендерге 170 тонна гуманитарлық көмек жинады. Оны 6 жүк ұшағымен және 7 жүк көлігімен Түркияға жеткізді.
Гуманитарлық көмекті Түркия алғанын Anadolu түрік агенттігі хабарлады.
Гуманитарлық көмектің ішінде мынадай заттар бар: 45 тонна дәрі-дәрмек, медициналық құралдар, 8 тонна азық-түлік, 90 тонна зат: киім-кешек, аяқ-киім, жылы көрпе, балалар киімі, тазалық заттары. Сонымен бірге 130 генератор, 700 электр жылу құралы жеткізілген.
Похожие статьи
Өзбекстанда Түркияға көмек көрсету әлі жалғасып жатыр.
Қазір Түркияда зардап шеккен аймақтарда өзбек аспаздары тамақ пісіріп, зардап шеккендерді күніне екі мезгіл тамақтандырып жатыр. Онда сонымен бірге Өзбекстаннан барған 100 құтқарушы мен 71 дәрігер жұмыс істеп жатыр.
6 ақпанда Түркияның оңтүстік-шығысында жойқын жер сілкініп, қайтыс болғандар саны 31,6 мың адамға жетті.
KAZAKBOL.COM