Өзбекстанда 25 метрлік ұңғымаға түсіп кеткен бала бір тәуліктен кейін құтқарылды

Қашқадария облысына қарасты Чиракчин ауданындағы Лангар ауылында қазылған артезиан ұңғымасына түсіп кеткен 6 жастағы бала құтқарылды. Өзбекстанның төтенше жағдай комитеті мәлімдегендей, бала онда бір тәулік жатқан.

Мекеме мәліметінше, 12 маусымда ауыл тұрғыны ұлының терең құдыққа түсіп кеткенін хабарлап, көмек сұраған.

Оқиға болған жерге құтқарушылар барған. Бала 13 маусымда құтқарылған. Қазір баланың жағдайы жақсы. Дәрігерлер оның денсаулығын тексеріп жатыр.

Источник