Өзбекстанда материалдық жағдайға мұқтаж азаматтар енгізілген «Темір дәптер» тізімі қысқартылды

Ташкент облысының Чиназ ауданында былтыр тізімде тұрған 2069 жағдайы төмен отбасының 1684-і «Темір дәптерден» сызылып тасталды. Бұл жөнінде аудандық әкімшілік қызметкері мәлімдеді.

Өзбекстанда «Темір дәптер» былтыр түзіліп, оған жағдайы төмен отбасылар, жалғыз қалған қариялар, тұрақты жұмысы жоқ азаматтар енгізілген.

2020 жылы тамызда Өзбекстан бойынша «Темір дәптерге» 409 000 отбасы енгізілгені ресми айтылған.

Карантин басталар алдында «Темір дәптерге» енгізіліп, енді одан шығып қалғандардың арасында екі баланың анасы, екінші топтағы мүгедек, 36 жастағы Чори Ниязов (аты өзгертілді) да бар. Әйелі де екінші топтағы мүгедек, өздерінің не себептен шығып қалғанын түсінбейді.

Отбасы «Темір дәптерге» енгеннен кейін 5-6 рет тегін азық-түлік алған. Бұдан бөлек екі баласына 500 000 сум (50 доллар) берілген.

2020 жылы пандемия алдында Шавкат Мирзияев Өзбекстанда 5 миллионнан астам адам кедей жағдайда тұратынын мәлімдеген. Бұл әрбір жетінші өзбекстандық кедей дегенді білдіреді.

centralasian.org