KAZAKBOL.COM
АҚШ жұмаға қараған түні Украинаға 2,5 млрд доллар көлемінде жаңа әскери көмек пакеті бөлінетінін жариялады.
Оған жүздеген бронетранспорттар мен шабуыл жасайтын көліктер, әуе шабуылына қарсы қорғаныс құралдары және басқа да қару-жарақ түрлері кіреді делінген Пентагонның баспасөз хабарламасында.
Бұл жолы Украина NASAMS зенит-зымыран кешендерін, сегіз «Авенджер» зенит-зымыран кешенін, 59 «Брэдли» шабуылдаушы көлігін, 20 минаны залалсыздандыратын құрылғысымен бірге 90 «Страйкер» бронетранспорты, минадан қорғайтын 53 бронетранспортеры және 350 көп саласалы әскери көлік құралы беріледі.
Пакетте сонымен бірге HIMARS және ЗРК NASAMS зымыран жүйелері, HARM зымыраны, артиллериялық снарядтар және басқа да қару-жарақтар бар.
Похожие статьи
Жаңа жылдан бері АҚШ Украинаға үш млрд доллардың әскери көмегін көрсетті.
2022 жылдың 24 ақпанында Ресей Украинаға басып кіргелі бері АҚШ Киевке жалпы 27 млрд доллардың әскери көмегін берді.
Кеше Балтық, Ұлыбритания, Польша, Дания, Чехия, Нидерланд және Словакия елдері Украинаға әскери көмек көрсету жөнінде келісімге келді.
KAZAKBOL.COM