KAZAKBOL.COM
АҚШ президенті Джо Байден Украина төңірегіндегі жағдайға қатысты мәлімдеме жасады. Байденнің пікірінше, Ресейдің Украинаға шабуыл жасау қаупі әлі сейіле қойған жоқ.
АҚШ президентінің айтуынша, Ресей әскері Украинаға қауіп төндіретін қашықтықтан кеткен жоқ. Украина айналасында, соның ішінде Беларусьта, 150 мың жауынгер орналасқан, дейді ол. Байденнің айтуынша, Құрама Штаттар Ресей әскерінің шекарадан әкетілгеніне көз жеткізе алмай отыр. Сейсенбі күні Ресейдің қорғаныс министрлігі әскерді алып кеткенін мәлімдеген.
Похожие статьи
Байден Ресейді дипломатия әдісін таңдауға тағы да шақырды. Ол Ресей халқына үндеу жасап, Құрама Штаттар оның жауы емес екенін айтты. Байденнің айтуынша, АҚШ Ресейдегі тұрақтылықты бұзуға талпынбайды.
Ақ үй басшысының мәлімдеуінше, егер Ресей шабуылға көшсе, АҚШ пен оның одақтастары бұдан да қатаң санкциялар қолданады. Президенттің айтуынша, мұндай шара шабуыл басталған сәтте бірден қабылданады. Санкцияларға ілігуі мүмкін нысандар арасында «Солтүстік ағыс-2» газ құбыры да бар.
KAZAKBOL.COM
