Ақтауда көшедегі құттықтау сөз жұртты күлдірді

Ақтауда көшедегі жаңа жылдық құттықтау сөзі жұртты күлдірді. Қала әкімдігі құттықтауда қате неден кеткенін түсіндірді, – деп хабарлайды Lada.kz.

Әлеуметтік желілерде қала тұрғындары жаңа жылдық құттықтау мәтініне белсенді түрде пікір білдіруде.

Қала әкімдігі мәтінді жүктеу кезінде компания қызметкері қате жібергенін, ол бірнеше минут ішінде бірден түзетілгенін айтты.

«Техникалық ақаулар үшін кешірім сұраймыз және түсіністікпен қарауларыңызды сұраймыз. Сіздерді келе жатқан Жаңа жылмен құттықтаймыз және әр отбасына бақыт пен амандық тілейміз», – деді әкімдіктегілер.