KAZAKBOL.COM
Дүкенге ілінген жарнама. Кадр 31 арна
Семейде қыс келісімен бизнестің жаңа түрі пайда болды. Отыз градустан асқан аязға шыдамаған кез келген тұрғын шағын дүкендерге кіріп, жылына алады деп хабарлайды 31 арна.
Ерекше қызметтің құны — 100 теңге. Әзірге дүкенге кіріп, жылынуға құлшыныс білдіріп жатқандар — аялдамада тұрып, автобус күткен жолаушылар.
Аялдама маңындағы дүкендердегі «Жылыну 100 теңге» деген жазулар бірнеше күннен бері пайда болған. Ал автобустардағы жолақы 60 теңге. Ал ауа райын пайдаланып, қызмет көрсетудің жаңа түрін ұсынған дүкен сатушылары қанша адамның жылынғанын, сәйкесінше қанша қаражат кіріс кіргізгендерін айтқысы жоқ.
Похожие статьи
Саудагерлер, бұл әрекетке дүкенге сауда жасау үшін емес, жылыну үшін кіруді әдетке айналдырған тұрғындардың ісінен мезі болғандықтан бардық дейді. Бірақ бұған ел ашулы.
«Студент болғаннан кейін өте кеш шығамыз сабақтан. Автобустар да аз жүреді. Және 100 теңге деп жазып қойғандары мардымсыз былайша айтқанда»
«Менің ойымша бұлай болмау керек. Дүкендер жай қамқорлық істесе де болады ғой адамға»
«Ол өзіне ақша жасау үшін. Өзінің саудасын өткізу үшін. Сол мақсатта жазып қойған нәрсе шығар», — дейді жолаушылар.
KAZAKBOL.COM