KAZAKBOL.COM
Абай облысындағы өрт бойынша «Семей орманы» резерваты мен Жаңа Шүлбі бөлімшесінің басшылығы күдікті ретінде танылды. Бұл жөнінде 1 шілдеде бас прокуратура хабарлады.
Күдіктілер «жасы мен денсаулығына байланысты» үйқамаққа алынған. Олардың саны айтылмайды.
«2023 жылғы 1 шілдеде олардың әрекеттері Қылмыстық кодекстің 292-бабының 3-бөлігі бойынша сараланған («Абайсызда екі және одан да көп адамның өліміне әкеп соққан өрт қауіпсіздігі талаптарын бұзу»)» деп жазылған хабарламада. Тергеу жалғасып жатыр.
Бас прокуратураның айтуынша, өрт себебіне қатысты барлық болжам қарастырылып жатыр. Арасында қасақана өртеу, табиғатта ақаулы техниканы пайдалану, найзағай разряды бар.
Похожие статьи
Абай облысындағы өрттен 15 адам қаза болған. 14-і – «Семей орманы» Жаңа Шүлбі бөлімшесінің 14 қызметкері және жергілікті тракторшы.
Маусым ортасында өрт аумағы 60 мың гектардан астам екені айтылды. Орманшылардың туыстары жақындарын өрт сөндіруге тиісті техникасыз жібергенін айтқан.
Абай облысында өрт жалғасып жатқан тұста президент Қасым-Жомарт Тоқаев Юрий Ильинді төтенше жағдай министрі қызметінен босатқан. Кейін билік Абай облысындағы өртке байланысты Ильинге қатысты тексеру жұмыстары басталғанын хабарлаған. Бұған қоса, бас прокуратура Ильин, экология министрі Зульфия Сүлейменова, Абай облысының әкімі Нұрлан Ұранхаев өрт ісі бойынша қылмыстық істе тергелетінін айтқан.
KAZAKBOL.COM