Ақбұлым ауылы тұрғындары шаруашылыққа қажетті суды (балалар шомылады, егін, бау-бақша, мал суаруға) Талас өзенінен бөлініп шыққан Базарбай каналынан алады. Алайда, Базарбай каналының жоғарғы жағындағы Тараз қаласының Стариков және Хмелев көшелерінің тұрғындары жылдар бойы мал, тауық қораларының қалдықтарын, әжетхана, моншаларының суларын, тұрмыстық қалдықтарын осы каналға ағызып қойған.
Ол сулар 12 м тереңдікте сіңіп жатыр. Ал, сол сіңген судағы әртүрлі аурулардың қоздырғыштары су мүлдем тоқтаған кезде, 7 жылдан кейін ғана тазаратынын ескерсек, ауылдың санитарлық жағдайы қалай?!
Мына суреттерде каналда су тоқтаған кездегі көріністер. Каналға жауапты жұмысшылар тазалау жұмыстарын жүргізуде.
